Gwersi Nofio i Fabanod, Plant Bach a Chyn Ysgol yng Nghaerdydd

Am Ein Gwersi Nofio Cyn Ysgol

Cyflwynwch eich plentyn i lawenydd nofio ym Mhwll Rhyngwladol Caerdydd a’r Gampfa. Mae ein gwersi cynnar ni’n helpu babanod, plant bach, a phlant cyn ysgol i ennill hyder yn y dŵr a datblygu sgiliau nofio hanfodol gyda chefnogaeth oedolyn dibynadwy.

Wedi'u cynllunio ar gyfer plant rhwng 3 mis a 4 oed, mae'r sesiynau yma’n darparu amgylchedd diogel a difyr i adeiladu sylfaen ar gyfer diogelwch dŵr gydol oes. Mae'n ofynnol i oedolyn fod yn y dŵr gyda'r plentyn yn ystod y gwersi yma.

Pam Dewis Ein Gwersi Nofio?

• Wedi’u hachredu gan The Royal Life Saving Society (RLSS): Mae ein gwersi ni’n bodloni'r safonau diogelwch ac ansawdd uchaf.
• Dull Diogelach - Doethach - Cryfach: Rydyn ni’n darparu hyfforddiant ychwanegol sy'n canolbwyntio ar ymwybyddiaeth o ddiogelwch dŵr, gan sicrhau hyder yn y dŵr.
• Argaeledd Drwy Gydol y Flwyddyn: Mae ein gwersi ni ar gael 50 wythnos y flwyddyn, gan ei gwneud hi'n hawdd cynnwys nofio yn eich amserlen.
• Asesiad Parhaus: Rydyn ni’n asesu nofwyr yn barhaus, gan eich helpu chi a nhw i wneud cynnydd yn ddiogel a magu hyder.

Tracio Cynnydd Eich Plentyn

Monitro datblygiad eich nofiwr bach gan ddefnyddio ein porthol ar-lein, lle gallwch dracio ei gyflawniadau wrth iddo wneud cynnydd drwy'r camau.