YMRWYMIAD HYGYRCHEDD

Rydym am i bawb sy'n ymweld â thudalennau gwe LeisureCentre neu rai cysylltiedig deimlo'n gartrefol a chael profiad gwerth chweil.

Er mwyn galluogi pob ymwelydd i gael profiad cadarnhaol a gallu cymryd rhan lawn, rydym wedi creu'r ymrwymiad canlynol i ymdrin ag anabledd yn ei ystyr ehangaf, gan gynnwys pobl y mae’r canlynol yn berthnasol iddynt:

• Nam ar y golwg
• Anawsterau cydsymud echddygol
• Namau gwybyddol a/neu anawsterau dysgu 
• Byddardod neu nam ar y clyw

Mae hyn yn rhan o'n hymrwymiad i ddarparu cyfleoedd cyfartal i bawb.

Yn LeisureCentre, rydym yn ymfalchïo yn y ffaith ein bod yn cynnig ystod eang o gyfleusterau hygyrch i'n cwsmeriaid. Rydym bob amser yn edrych ar ffyrdd o wella hygyrchedd er mwyn darparu ardaloedd a gweithgareddau cynhwysol i bob defnyddiwr.

DYMA RESTR SY'N DANGOS RHAI O’R FFYRDD RYDYM YN SICRHAU BOD EIN CANOLFANNAU’N HYGYRCH:

 

Lleoliad Hygyrch

• Cydymffurfio’n llawn â’r Ddeddf Gwahaniaethu ar sail Anabledd  
• Achrediad gan y Cynllun Ffitrwydd Cynhwysol (IFI)
• Parcio i bobl anabl
• Mynediad heb risiau i'r adeilad
• Mannau sy'n addas i gadeiriau olwyn a desgiau isel yn y dderbynfa
• Dolenni clyw wedi'u gosod yn y dderbynfa
• Lifftiau i wneud pob llawr yn hygyrch
• Drysau awtomatig
• Teclynnau codi a lifftiau ar gyfer y pwll
• Toiledau, cawodydd a chyfleusterau newid hwylus
• Lloriau gwrthlithro

 

Offer Hygyrch

Gan ein bod yn glynu wrth y Cynllun Ffitrwydd Cynhwysol (IFI), rydym yn sicrhau bod pob campfa mor agored ac eang eu cyrhaeddiad â phosibl. Mae hyn yn cynnwys cynnig offer wedi'u hachredu gan IFI yn ein campfeydd, sy'n cael eu prynu drwy ein partneriaeth ag un o'r prif wneuthurwyr offer ffitrwydd, Precor.

Mae IFI yn rhaglen sy'n cefnogi'r diwydiant ffitrwydd i ddod yn fwy cynhwysol, gan ddiwallu anghenion pobl anabl a phobl nad ydynt yn anabl a chodi lefelau cyfranogiad corfforol.

Gweithgareddau Cynhwysol

O sesiynau Boccia a ariennir gan ein grantiau hamdden, i sesiynau nofio i bobl anabl a'n sesiynau penodol ein hunain ar gyfer adsefydlu ar ôl strôc a chynlluniau cyfeirio meddygon teulu, mae LeisureCentre wedi ymrwymo i gynnig amrywiaeth o weithgareddau a chynlluniau i wneud yn siŵr bod gweithgarwch corfforol o fewn cyrraedd pawb.

Am ragor o wybodaeth am ffitrwydd hygyrch yn eich canolfan leol cliciwch yma.

Hyfforddiant Staff

Gweithdrefnau gwacáu brys wedi'u haddasu

Dyfarniad Lefel 2 Active IQ ar gyfer Ymwybyddiaeth o Iechyd Meddwl (o leiaf 1 hyrwyddwr ym mhob canolfan)

Archwiliadau DBS yn unol â’r gyfraith

SAFONAU HYGYRCHEDD AR GYFER Y WEFAN

Er mwyn ein helpu i wneud y wefan yn lle cadarnhaol i bob defnyddiwr ac yn rhywle maen nhw'n teimlo'n gartrefol, rydym wedi bod yn defnyddio DDA a W3C i sicrhau hygyrchedd digidol. Rydym yn bodloni'r meini prawf hyn yn y ffyrdd canlynol:

Testun Amgen

• Mae pob delwedd briodol wedi cael testun amgen fel y gall dyfeisiau darllen eu dehongli.
• Mae hyn yn cynnwys: delweddau, cynrychioliadau graffigol o destun (gan gynnwys symbolau), mapiau delwedd, animeiddiadau (e.e. GIFs wedi’u hanimeiddio), gwrthrychau rhaglennol a rhaglennig, celf ascii, fframiau, sgriptiau, delweddau a ddefnyddir fel bwledi i greu rhestr, bylchwyr, botymau graffigol, synau (a chwaraeir gyda neu heb help y defnyddiwr), ffeiliau sain annibynnol, traciau sain fideo, a fideo.

Cyferbyniad Lliw
Rydym wedi gwirio cyfuniadau o liwiau testun a lliwiau cefndir i sicrhau bod gwybodaeth yn glir i bob defnyddiwr a gwneud yn siŵr bod yr holl gyferbyniadau’n ddigonol fel nad yw gwybodaeth yn cael ei chyfeirio gan liw yn unig.

Cynllun a Llywio

• Rydym yn defnyddio taflenni arddull i reoli cynllun a chyflwyniad i'w gwneud yn gliriach i bob defnyddiwr.
• Ar hyn o bryd, rydym yn rhannu blociau mawr o wybodaeth yn grwpiau haws delio â nhw lle mae hynny'n naturiol ac yn briodol. 
• Rydym yn defnyddio mecanweithiau llywio mewn modd cyson, fel y gall defnyddwyr lywio drwy’r wefan gyda rheolyddion bysellfwrdd a drwy ddyfais symudol, a nodi targed pob dolen yn glir.
• Rydym yn creu tabiau rhesymegol i drefnu drwy ddolenni, rheolyddion ffurflenni, a gwrthrychau.

Er bod LeisureCentre yn gwneud ei orau i fynd y tu hwnt i'r canllawiau a'r safonau derbyniol ar gyfer hygyrchedd, nid yw bob amser yn bosibl gwneud hynny ym mhob rhan o'r wefan. Rydym bob amser yn edrych ar ffyrdd o wella profiad y defnyddiwr, a dod â phob rhan o'n gwefan i fyny i'r un lefel o hygyrchedd. Os byddwch yn cael anawsterau, mae croeso i chi gysylltu â ni.