Gwersi Nofio i Fabanod, Plant Bach a Phlant Cyn Ysgol yn y Barri

Am Ein Gwersi Nofio Cyn Ysgol

Cyflwynwch eich plentyn i holl hwyl nofio yng Nghanolfan Hamdden y Barri. Mae ein gwersi cyfnod cynnar ni’n helpu babanod, plant bach a phlant cyn ysgol i ennill hyder yn y dŵr a datblygu sgiliau nofio hanfodol gyda chefnogaeth oedolyn dibynadwy.

Wedi'u cynllunio ar gyfer plant rhwng 3 mis a 4 oed, mae'r sesiynau yma’n darparu amgylchedd diogel a difyr i sefydlu sylfaen ar gyfer diogelwch am oes mewn dŵr. Mae'n ofynnol i oedolyn fod yn y dŵr gyda'r plentyn yn ystod y gwersi yma.

Pam Dewis Ein Gwersi Nofio?

• Wedi’u Hachredu gan y Royal Life Saving Society (RLSS): Mae ein gwersi ni’n bodloni'r safonau diogelwch ac ansawdd uchaf.
• Dull Diogelach - Doethach - Cryfach: Rydyn ni’n darparu hyfforddiant ychwanegol gyda’i ffocws ar ymwybyddiaeth o ddiogelwch mewn dŵr, gan sicrhau hyder yn y dŵr.
• Argaeledd Drwy Gydol y Flwyddyn: Mae ein gwersi ni ar gael 50 wythnos y flwyddyn, gan ei wneud yn hawdd ffitio nofio yn eich amserlen.
• Asesiad Parhaus: Rydyn ni’n asesu nofwyr yn barhaus, gan alluogi iddynt wneud cynnydd cyn gynted ag y byddant yn bodloni'r meini prawf ar gyfer pob ton. 

Tracio Cynnydd Eich Plentyn

Monitro datblygiad eich nofiwr bach gan ddefnyddio ein porthol ni ar-lein, lle gallwch dracio ei gyflawniadau wrth iddo wneud cynnydd drwy'r tonnau.