Telerau ac Amodau Atgyfeirio i Wersi Nofio 

Cyfle i ennill un o dair taleb Love2Shop gwerth £500!

1. Dim ond i drigolion y DU y mae'r raffl yma (yr “Hyrwyddiad”) ar agor, ac eithrio cyflogeion ac asiantau (a) yr “Hyrwyddwr” neu (b) unrhyw gwmni sy'n gysylltiedig â chynhyrchu neu ddosbarthu'r Hyrwyddiad hwn, yn ogystal â'u perthnasau ac aelodau o'u teulu neu gartref. 

2. Er mwyn cymryd rhan, rhowch eich rhif aelodaeth i'ch ffrind neu aelod o'r teulu a gallant ei ddefnyddio er mwyn ymuno. Fel y cyfranogwr, rhaid i chi fod yn aelod talu gweithredol a rhaid i’ch holl ffioedd aelodaeth fod wedi’u talu’n gyfredol. I gymryd rhan yn ddilys yn y raffl, rhaid i'r Ymunwr newydd fod wedi talu o leiaf 1 mis o aelodaeth cyn i'r raffl ddigwydd. Diffinnir aelodaeth gymwys fel aelodaeth gwers nofio, bydd pawb arall yn cael eu heithrio, h.y. nid yw plant, pasys am ddim neu unrhyw aelodaeth neu bas hyrwyddo arall yn gymwys i gymryd rhan.

3. Rhaid i gyfranogwyr fod mewn gwersi nofio neu fod â phlentyn mewn gwersi nofio a bod yn 16 oed neu'n hŷn ar adeg cymryd rhan. Rhaid darparu prawf o gymhwysedd ar gais. Drwy gymryd rhan yn yr Hyrwyddiad, ystyrir eich bod yn derbyn ac yn rhwym i'r telerau a’r amodau hyn.

4. Nid oes angen unrhyw bryniant gan y cystadleuydd i gymryd rhan yn yr Hyrwyddiad. Dim ond wyneb yn wyneb yn y ganolfan y gall cystadleuwyr gymryd rhan, ond rhaid gwneud cais wrth i Ymunwr Newydd gofrestru ac ni ellir ei newid yn ddiweddarach. Mae'r cystadleuydd yn gyfrifol am sicrhau bod y manylion a ddarperir adeg y cais yn gywir; ni ellir dal yr Hyrwyddwr yn gyfrifol am unrhyw wybodaeth anghywir a gofnodwyd.

5. Bydd yr Hyrwyddiad yn dechrau am 00:01 ar 1 Mai 2026 ac yn cau am 23:59 ar 30 Mehefin 2026. Ni fydd unrhyw geisiadau a gyflwynir ar ôl yr amser cau yn cael eu cynnwys.

Enillydd 

6. Bydd un enillydd, a fydd yn cael ei ddewis o blith yr holl geisiadau cymwys mewn raffl ar hap a gynhelir a'i recordio ar 3ydd Gorffennaf 2026, gan berson annibynnol. Bydd yr Hyrwyddwr yn hysbysu'r enillydd ac yn ei enwi ar y wefan erbyn 10fed Gorffennaf 2026 fan bellaf drwy'r manylion cyswllt a ddarperir wrth y pwynt mynediad, a bydd yn cael manylion am sut i dderbyn ei wobr. Os bydd yr enillydd yn methu â derbyn y wobr yn y modd a bennir o fewn wythnos i gyfathrebu'r Hyrwyddwr, bydd unrhyw hawliad yn annilys, a bydd yr Hyrwyddwr yn mynd ymlaen i ddewis enillydd arall (a ddewisir ar hap eto mewn raffl) o blith yr holl geisiadau cymwys sy'n weddill, a chysylltir â’r unigolyn hwnnw fel uchod hefyd.

7. Y wobr yw taleb Love to Shop gwerth £500 i'w defnyddio yn ôl disgresiwn yr enillydd. Ni ellir trosglwyddo'r daleb ac ni ellir ei chyfnewid am arian parod. Anfonir y daleb atoch chi ar e-bost, o fewn mis i'r enillydd gael ei hysbysu a'i gadarnhau'n gymwys.

8. Ni ellir trosglwyddo'r wobr ac ni chaniateir ei hailwerthu. Mae'r Hyrwyddwr yn cadw'r hawl, yn ôl ei ddisgresiwn rhesymol, i roi gwobr gymharol, neu eitem o werth cyfartal, yn lle unrhyw wobr o'r fath.

9. Bydd enw cyntaf a lleoliad enillwyr y wobr ar gael ar ôl y dyddiad cau drwy gyflwyno cais ysgrifenedig i'r Hyrwyddwr.

10. Mae’r ymgeiswyr yn cytuno i ddarparu cydweithrediad rhesymol i ganiatáu i'r Hyrwyddwr ddefnyddio enw a / neu lun yr enillydd at ddibenion hysbysebu a chyhoeddusrwydd mewn cysylltiad â'r Hyrwyddiad hwn, gan gynnwys, ond heb fod yn gyfyngedig i, cyhoeddi enw a llun yr enillydd ar wefannau'r Hyrwyddwr a chwmnïau cysylltiedig.

Gwybodaeth bersonol

11. Rhaid i unrhyw wybodaeth bersonol a ddarperir i ni yn ystod y broses ymgeisio (gan gynnwys, ond heb fod yn gyfyngedig i, eich enw ac enw'r Ymunwr Newydd, cyfeiriad e-bost, rhif ffôn a dyddiad geni) fod yn gywir. Nid ydym yn derbyn unrhyw gyfrifoldeb am unrhyw wybodaeth bersonol anghywir a ddarperir i ni.
12. Byddwn yn dal yr holl wybodaeth bersonol yn unol â'r telerau a’r amodau hyn a'n polisi preifatrwydd, y mae posib dod o hyd i gopi ohono yma Polisi Preifatrwydd.

Cyffredinol

13. Bydd penderfyniad yr Hyrwyddwr ar bob mater yn derfynol ac ni fydd unrhyw ohebiaeth na thrafodaeth yn cael ei chynnal. Mae'r Hyrwyddwr yn cadw'r hawl yn ôl ei ddisgresiwn rhesymol: (a) i anghymhwyso unrhyw ymgeisydd y mae ei ymddygiad yn groes i ysbryd y rheolau neu fwriad yr hyrwyddiad ac i ddatgan bod unrhyw un neu'r cyfan o'i hawliadau neu ei geisiadau yn seiliedig ar ymddygiad o'r fath yn ddi-rym; (b) i ddatgan yn ddi-rym unrhyw hawliadau neu geisiadau sy'n deillio o unrhyw wallau argraffu, cynhyrchu a / neu ddosbarthu (gan gynnwys, ond heb fod yn gyfyngedig i, unrhyw wall(au) ar unrhyw wefan gan yr Hyrwyddwr, a / neu ddeunyddiau print eraill), neu lle bu gwall(au) mewn unrhyw agwedd ar baratoi neu gynnal yr hyrwyddiad sy'n effeithio'n sylweddol ar ganlyniad yr hyrwyddiad neu nifer yr hawlwyr neu werth yr hawliadau; (c) i ychwanegu at neu hepgor unrhyw reolau gyda rhybudd rhesymol; a / neu (d) canslo'r Hyrwyddiad neu unrhyw ran ohono ar unrhyw gam o bydd amgylchiadau y tu hwnt i reolaeth resymol yr Hyrwyddwr yn codi.

14. Ni dderbynnir unrhyw geisiadau mewn swmp, gan asiantau na thrydydd partïon.

15. I'r graddau llawnaf a ganiateir gan y gyfraith (ac yn amodol ar baragraff 17 isod), mae'r Hyrwyddwr drwy hyn yn eithrio pob gwarant, cynrychiolaeth, cyfamod ac atebolrwydd (boed yn benodol neu'n oblygedig) sy'n ymwneud â'r Hyrwyddiad hwn a / neu'r wobr.

16. Ni fydd unrhyw beth yn y telerau a’r amodau hyn yn eithrio atebolrwydd yr Hyrwyddwr am: (i) marwolaeth neu anaf personol o ganlyniad i'w esgeulustod; (ii) twyll neu gamliwio twyllodrus; neu (iii) unrhyw atebolrwydd na ellir ei gyfyngu na'i eithrio gan y gyfraith.

17. Mae'r Hyrwyddwr yn cadw'r hawl, yn ôl ei ddisgresiwn llwyr, i addasu, gohirio neu ganslo'r Hyrwyddiad os bydd feirysau, bygiau, ymyrryd, twyll neu achosion eraill y tu hwnt i reolaeth resymol yr Hyrwyddwr yn llygru neu'n rhwystro gweinyddiaeth, diogelwch neu weithredu priodol ar yr Hyrwyddiad.

18. Os bernir bod unrhyw un o ddarpariaethau'r telerau a’r amodau hyn yn annilys neu'n anorfodadwy yn gyfan gwbl neu'n rhannol, caiff y rhan honno ei gwahanu oddi wrth weddill y darpariaethau ac ni fydd dilysrwydd y darpariaethau eraill a gweddill y ddarpariaeth dan sylw yn cael eu heffeithio.

19. Bydd y telerau a’r amodau hyn yn cael eu llywodraethu gan gyfreithiau Cymru a Lloegr a bydd unrhyw anghydfod yn ddarostyngedig i awdurdodaeth unigryw llysoedd Cymru a Lloegr.

Hyrwyddwr

20. Yr Hyrwyddwr yw Parkwood Leisure Limited (rhif cwmni 03232979), o 3 De Salis Court, Hampton Lovett, Droitwich Spa, Sir Caerwrangon WR9 0QE, sy’n gweithredu ar ran Lex Leisure CIC, Legacy Leisure Limited, 1Life Management Solutions, CAF, Parkwood Community Leisure Limited a Parkwood Health & Fitness Limited.