1. Rhaid i chi fod yn 18 oed a hŷn i gymryd rhan yn y gystadleuaeth. Rhaid darparu prawf o gymhwysedd ar gais. Drwy gymryd rhan yn yr Hyrwyddiad ystyrir eich bod yn derbyn ac yn rhwym i’r telerau a’r amodau hyn.
2. Nid oes angen unrhyw bryniant gan yr ymgeisydd i fod yn rhan o'r Hyrwyddiad. Ar agor i gwsmeriaid presennol a newydd Canolfannau Hamdden Parkwood.
3. Mae’r raffl fawr hon (yr “Hyrwyddiad”) yn agored i drigolion y DU yn unig, ac eithrio cyflogeion ac asiantau (a) yr “Hyrwyddwr” neu (b) unrhyw gwmni sy’n gysylltiedig â chynhyrchu neu ddosbarthu’r Hyrwyddiad hwn, yn ogystal â’u perthnasau ac aelodau o’u teulu neu eu haelwyd.
4. Un wobr ar gael ar draws yr holl ganolfannau sy'n cymryd rhan.
5. Bydd yr ymgyrch Hyrwyddo yn dechrau am 00:01 ar 3ydd Mawrth 2025 ac yn cau am 23:59 ar 23 Mawrth 2025. Ni fydd unrhyw geisiadau a gyflwynir ar ôl yr amser cau yn cael eu cynnwys. Gellir defnyddio’r wobr ar draws gwersi plant neu oedolion, yn amodol ar argaeledd.
6. Gellir defnyddio’r wobr mewn unrhyw un o ganolfannau hamdden Parkwood.
7. Nid yw'r wobr yn drosglwyddadwy ac ni ellir ei hailwerthu. Mae’r Hyrwyddwr yn cadw’r hawl yn unol â’i ddisgresiwn rhesymol i newid unrhyw wobr o’r fath am wobr debyg, neu eitem o werth cyfartal.
8. Mae’r ymgeiswyr yn cytuno i ddarparu cydweithrediad rhesymol i ganiatáu i’r Hyrwyddwr ddefnyddio enw a / neu debyg yr enillydd at ddibenion hysbysebu a chyhoeddusrwydd mewn cysylltiad â’r Hyrwyddiad hwn gan gynnwys, ond heb fod yn gyfyngedig i hynny, cyhoeddi enw a ffotograff yr enillydd ar wefannau’r Hyrwyddwr a chwmnïau cysylltiedig ac unrhyw blatfform cyfryngau cymdeithasol arall y bernir ei fod yn ofynnol.
9. Rhaid i unrhyw wybodaeth bersonol a ddarperir i ni yn ystod y broses ymgeisio (gan gynnwys, ond heb fod yn gyfyngedig i, eich enw, cyfeiriad e-bost, rhif ffôn) fod yn gywir. Nid ydym yn derbyn unrhyw gyfrifoldeb am unrhyw wybodaeth bersonol anghywir a roddir i ni.
10. Bydd penderfyniad yr Hyrwyddwr ar bob mater yn derfynol ac ni fydd unrhyw ohebiaeth na thrafodaeth yn digwydd. Mae'r Hyrwyddwr yn cadw'r hawl yn unol â’i ddisgresiwn rhesymol: (a) i ddiarddel unrhyw ymgeisydd y mae ei ymddygiad yn groes i ysbryd y rheolau neu fwriad yr hyrwyddiad ac i ddatgan yn ddi-rym unrhyw un neu bob un o'u hawliadau neu ymgeisiau ar sail ymddygiad o'r fath; (b) datgan yn ddi-rym unrhyw hawliadau neu ymgeisiau sy’n deillio o unrhyw wallau argraffu, cynhyrchu a / neu ddosbarthu (gan gynnwys, ond heb fod yn gyfyngedig i, unrhyw wall(au) ar unrhyw un o wefannau’r Hyrwyddwr, a / neu ddeunyddiau print eraill), neu lle bu gwall(au) mewn unrhyw agwedd ar baratoi ar gyfer yr hyrwyddiad neu’r modd y’i cynhaliwyd sy’n effeithio’n sylweddol ar ganlyniad yr hyrwyddiad neu nifer yr hawlwyr neu werth yr hawliadau; (c) ychwanegu at unrhyw reolau, neu eu hepgor, gyda rhybudd rhesymol; a / neu (d) canslo’r Hyrwyddiad neu unrhyw ran ohono ar unrhyw adeg os bydd amgylchiadau y tu hwnt i reolaeth resymol yr Hyrwyddwr yn codi.
11. Ni dderbynnir unrhyw geisiadau mewn swmp, gan asiantau na thrydydd partïon.
12. I'r graddau eithaf a ganiateir gan y gyfraith (ac yn ddarostyngedig i baragraff 17 isod), mae'r Hyrwyddwr drwy hyn yn eithrio'r holl warantau, cynrychioliadau, cyfamodau a rhwymedigaethau (boed yn eglur neu'n oblygedig) sy'n ymwneud â'r Hyrwyddiad hwn a / neu'r wobr.
13. Ni fydd unrhyw beth yn y telerau a’r amodau hyn yn eithrio atebolrwydd yr Hyrwyddwr am: (i) farwolaeth neu anaf personol o ganlyniad i’w esgeulustod; (ii) twyll neu gamliwio twyllodrus; neu (iii) unrhyw atebolrwydd na ellir ei gyfyngu neu ei eithrio gan y gyfraith.
14. Mae’r Hyrwyddwr yn cadw’r hawl, yn unol â’i ddisgresiwn llwyr, i addasu, gohirio neu ganslo’r Hyrwyddiad pe bai feirws, bygiau, ymyrraeth, twyll neu achosion eraill y tu hwnt i reolaeth resymol yr Hyrwyddwr yn llygru neu’n llesteirio gweinyddiaeth, diogelwch neu ymddygiad priodol yr Hyrwyddwr.
15. Os bernir bod unrhyw un o ddarpariaethau'r telerau a’r amodau hyn yn annilys neu'n anorfodadwy yn gyfan gwbl neu'n rhannol, bydd y rhan honno'n cael ei thorri oddi wrth weddill y darpariaethau ac ni effeithir ar ddilysrwydd y darpariaethau eraill na gweddill y ddarpariaeth dan sylw.
16. Bydd y telerau a’r amodau hyn yn cael eu llywodraethu gan gyfreithiau Cymru a Lloegr a bydd unrhyw anghydfod yn ddarostyngedig i awdurdodaeth unigryw llysoedd Cymru a Lloegr.
     

ENILLYDD

Bydd un enillydd, a fydd yn cael ei ddewis mewn raffl ar hap, a gynhelir ar 24ain Mawrth 2025, gan berson annibynnol, o blith pob cynnig cymwys. Bydd yr Hyrwyddwr yn hysbysu’r enillydd erbyn 26ain Mawrth 2026 fan bellaf drwy’r manylion cyswllt sydd wedi’u darparu ar y pwynt mynediad a bydd yn cael manylion ynghylch sut i dderbyn y wobr. Bydd methiant ar ran yr enillydd i dderbyn y wobr yn y modd a nodir o fewn wythnos i’r cyfathrebu gan yr Hyrwyddwr yn gwneud unrhyw hawliad yn annilys a bydd yr Hyrwyddwr wedyn yn symud ymlaen i ddewis enillydd arall (eto ar hap mewn raffl) o’r holl gynigion cymwys sy’n weddill a byddwn yn cysylltu â’r enillydd fel yr uchod.

Y wobr yw blwyddyn o wersi nofio am ddim (er eglurder mae hyn yn gyfystyr ag un wers am ddim yr wythnos am 50 wythnos, ni chynigir opsiwn arian parod yn ei le).

Nid yw'r wobr yn drosglwyddadwy ac ni ellir ei hailwerthu. Mae’r Hyrwyddwr yn cadw’r hawl yn unol â’i ddisgresiwn rhesymol i newid unrhyw wobr o’r fath am wobr debyg, neu eitem o werth cyfartal.

Bydd cyfenw a sir enillydd y wobr ar gael ar ôl y dyddiad cau drwy gyflwyno cais ysgrifenedig i’r Hyrwyddwr.

Hyrwyddwr

Yr Hyrwyddwr yw Parkwood Leisure Limited (rhif cwmni 03232979), o 3 De Salis Court, Hampton Lovett, Droitwich Spa, Swydd Gaerwrangon WR9 0QE, sy’n gweithredu ar ran Lex Leisure CIC, Legacy Leisure Limited, Parkwood Community Leisure Limited a Parkwood Health & Fitness Limited.